(၈-၂-၂၀၂၃ ရက်၊ ပေကျင်း) မြန်မာနိုင်ငံ၏ (၇၅) နှစ်မြောက် စိန်ရတုလွတ်လပ်ရေးနေ့အထိမ်းအမှတ်အဖြစ် ဧည့်ခံပွဲအခမ်းအနားနှင့် မြန်မာ့ခရီးသွားလာမှုမြှင့်တင်ရေးဆိုင်ရာဓာတ်ပုံပြပွဲအခမ်းအနားကို ၂၀၂၃ ခုနှစ်၊ ဖေဖော်ဝါရီလ ၈ ရက်နေ့က မြန်မာသံရုံး၊ ပေကျင်းမြို့၌ ၁၂၀၀ နာရီမှ ၁၄၀၀ နာရီအထိကျင်းပခဲ့ပါသည်။…
(၉-၂-၂၀၂၃ ရက်၊ ကိုင်ရို) တူကီယဲသမ္မတနိုင်ငံဆိုင်ရာ မြန်မာသံအမတ်ကြီး ဦးမြင့်လွင် သည် ၉-၂-၂၀၂၃ ရက်၊ နံနက်ပိုင်း၌ ကိုင်ရိုမြို့ရှိ တူကီယဲသံရုံးသို့ သွားရောက်၍ တူကီယဲနိုင်ငံ တောင်ပိုင်းတွင် ၆-၂-၂၀၂၃ ရက်၌ အင်အားပြင်းငလျင် လှုပ်ခတ်မှုကြောင့် လူအများအပြား သေဆုံး၊ ဒဏ်ရာရရှိကာ အိုးအိမ် အဆောက်အဦများစွာ ပျက်စီးဆုံးရှုံးခဲ့မှုအတွက် တူကီယဲသံရုံးတွင် ဖွင့်လှစ်ထားရှိသော ဝမ်းနည်းခြင်း အထိမ်းအမှတ် မှတ်တမ်းစာအုပ်၌ စာနာထောက်ထား ဝမ်းနည်းကြောင်း လက်မှတ်ရေးထိုးခဲ့ကြောင်း သိရှိရပါသည်။
(၉-၂-၂၀၂၃ ရက် ၊ တိုကျို) ပြည်ထောင်စုသမ္မတမြန်မာနိုင်ငံတော်၏ ၇၅ နှစ်မြောက် စိန်ရတုလွတ်လပ်ရေးနေ့ အထိမ်းအမှတ် ဧည့်ခံပွဲအခမ်းအနားအား မြန်မာသံရုံး၊ တိုကျိုမြို့တွင် ၉-၂-၂၀၂၃ ရက်နေ့၊ (၁၁:၀၀) နာရီမှ (၁၃:၀၀) နာရီအထိ ဧရာဝတီခန်းမကြီး၌ ကျင်းပပြုလုပ်ခဲ့ပါသည်။ အဆိုပါ အခမ်းအနားသို့ အာဆီယံသံရုံးများမှ သံအမတ်ကြီးများနှင့်ဇနီးများ၊ ဂျပန်နိုင်ငံ အခြေစိုက်သံရုံးများမှသံအမတ်ကြီးများ/သံရုံးယာယီတာဝန်ခံများနှင့် ၎င်းတို့၏ ဇနီးများ၊ သံရုံး ဒုတိယအကြီးအကဲများနှင့် သံတမန်များ၊ စစ်သံမှူးများ၊ မြန်မာ-ဂျပန်ချစ်ကြည်ရေးအသင်းများမှ တာဝန်ရှိသူများ၊ Asia-Pacific Ladies Friendship Association (ALFS) မှ တာဝန်ရှိသူများ၊ Tokyo Women Club မှ တာဝန်ရှိသူများ၊ ဂျပန်-မြန်မာအသင်းဥက္ကဋ္ဌ Mr. Hideo Watanabe၊ ဂျပန်ကိုယ်ပိုင်ကာကွယ်ရေးတပ်ဖွဲ့၊ ကာကွယ်ရေးဦးစီးချုပ်ဟောင်း Mr. Shigeru Iwasaki ၊ဂျပန် ဘဏ္ဍာရေးဝန်ကြီးဟောင်း Mr. Koriki Jojima၊ ဂျပန်စီးပွားရေးကုမ္ပဏီများမှ တာဝန်ရှိသူများ၊ ဂျပန်နိုင်ငံရောက် မြန်မာနိုင်ငံသားများ၊ ဂျပန်နိုင်ငံတွင် ပညာသင်ကြားနေကြသည့် မြန်မာအစိုးရ ပညာတော်သင်များနှင့်ပုဂ္ဂလိကပညာသင်များ၊ ဂျပန်နိုင်ငံတက္ကသိုလ်များမှ ပါမောက္ခများ၊ ကျောင်းသား/ကျောင်းသူများနှင့် ဖိတ်ကြားထား သူများ၊ စုစုပေါင်းဧည့်သည်တော် (၁၈၀) ဦးခန့် တက်ရောက်ခဲ့ကြပါသည်။ အခမ်းအနားတွင် ပထမဦးစွာ ပြည်ထောင်စုသမ္မတမြန်မာနိုင်ငံတော်နှင့် ဂျပန်နိုင်ငံတို့၏ နိုင်ငံ တော်သီချင်းများဖွင့်လှစ်၍ နှစ်နိုင်ငံအလံတို့ကို ဦးညွှတ်အလေးပြုခဲ့ကြပါသည်။ ထို့နောက် မြန်မာ သံအမတ်ကြီး ဦးစိုးဟန်မှပြည်ထောင်စုသမ္မတမြန်မာနိုင်ငံတော်၏ ၇၅ နှစ်မြောက် စိန်ရတု လွတ်လပ်ရေးနေ့ ဧည့်ခံပွဲအခမ်းအနားမိန့်ခွန်းကိုပြောကြားခဲ့ရာ မြန်မာနိုင်ငံ၏ လွတ်လပ်ရေး ကြိုးပမ်းမှုသမိုင်းကြောင်းအကျဉ်း၊ မြန်မာနိုင်ငံ၏နိုင်ငံရေး၊စီးပွားရေးဖြစ်ပေါ်တိုးတက်မှုများ၊ ပြည်တွင်းငြိမ်းချမ်းရေးဖော်ဆောင်နေမှု၊ကိုဗစ်-၁၉ ရောဂါ၏သက်ရောက်မှုကြောင့် စီးပွားရေးကို ပြန်လည်ကုစားရန် အကောင်အထည်ဖော်…
(၈-၂-၂၀၂၃ ရက်၊ မနီလာ) ဖိလစ်ပိုင်နိုင်ငံ၊ ပညာရေးဝန်ကြီးဌာနမှ ကြီးမှူး၍ မနီလာမြို့တွင် ၈-၂-၂၀၂၃ ရက်နေ့မှ ၁၀-၂-၂၀၂၃ ရက်နေ့အထိ ကျင်းပပြုလုပ်လျက်ရှိသော (၅၂) ကြိမ်မြောက် SEAMEC SEAMEO Council Conference သို့ ပညာရေးဝန်ကြီးဌာန၊…
(၉-၂-၂၀၂၃ ရက်၊ နေပြည်တော်) အာရပ်စော်ဘွားများပြည်ထောင်စုနိုင်ငံဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော် သံအမတ်ကြီး ဦးတင်ယုသည် ၄င်း၏ခန့်အပ်လွှာကို ၂၀၂၃ ခုနှစ်၊ ဖေဖော်ဝါရီလ ၆ ရက်နေ့တွင် အာရပ်စော်ဘွားများပြည်ထောင်စုနိုင်ငံ၊ အဘူဒါဘီ မြို့ရှိ၊ Qasr…
(၈-၂-၂၀၂၃ ရက်၊ အော်တာဝါ) ကနေဒါနိုင်ငံဆိုင်ရာ မြန်မာသံအမတ်ကြီး ဦးဟောက်ခန့်ဆုမ်းသည် ၈-၂-၂၀၂၃ ရက်တွင် အင်ဒိုနီးရှားသံအမတ်ကြီး၏နေအိမ်၌ ကျင်းပသည့် အာဆီယံကော်မတီ၊ အော်တာဝါမြို့ (ASEAN Committee in Ottawa) သံရုံးအကြီးအကဲများ၏ (၂၇၆)ကြိမ်မြောက်အစည်းအဝေးနှင့် အာဆီယံဆိုင်ရာ ကနေဒါအဆင့်မြင့်အရာရှိကြီး (SOM Leader) အား အထူးဧည့်သည်တော် အဖြစ်ဖိတ်ကြားသည့် အလုပ်သဘောနေ့လယ်စာစားပွဲသို့ အော်တာဝါမြို့အခြေစိုက်အာဆီယံနိုင်ငံသံရုံးများမှသံအမတ်ကြီးများနှင့်အတူ ပါဝင်တက်ရောက်ခဲ့ပါသည်။ အစည်းအဝေးတွင် အင်ဒိုနီးရှားနိုင်ငံက အာဆီယံ၏ အလှည့်ကျဥက္ကဋ္ဌတာဝန်ထမ်းဆောင်သည့် ၂၀၂၃ ခုနှစ်တွင်ဉီးစားပေးဆောင်ရွက်မည့် လုပ်ငန်းစဉ်များနှင့် ကနေဒါ၏ အင်ဒို-ပစိဖိတ် မဟာဗျူဟာ စသည့်ကိစ္စရပ်များကိုဆွေးနွေးခဲ့ကြပါသည်။ ထို့နောက် အာဆီယံသံအမတ်ကြီးများနှင့် အထူးဧည့်သည်တော်အဖြစ် ဖိတ်ကြားထားသည့် အာဆီယံဆိုင်ရာ ကနေဒါအဆင့်မြင့် အရာရှိကြီး (SOM Leader) ဖြစ်သူ အာရှနှင့်ပစိဖိတ်ဒေသဆိုင်ရာလက်ထောက်ဒုတိယ နိုင်ငံခြားရေးဝန်ကြီး (Assistant Deputy Minister) Mr. Weldon Epp နှင့် အရှေ့တောင်အာရှဌာန၏ ညွှန်ကြားရေးမှူးချုပ် Ms. Carrie Goodge O’Brien တို့ ပါဝင်တက်ရောက်သည့် အလုပ်သဘောနေ့လယ်စာစားပွဲကို ဆက်လက်ကျင်းပပြီး နေ့လယ်စာစားပွဲတွင် အာဆီယံ-ကနေဒါ မဟာဗျူဟာမြောက် မိတ်ဖက်ဆက်ဆံရေးဆိုင်ရာ ကနေဒါ၏ သဘောထားအယူအဆစာတမ်း (Concept Paper) ကို အလွတ်သဘောအမြင်ချင်းဖလှယ် ဆွေးနွေးခဲ့ကြကြောင်း သိရှိရပါသည်။
(၈-၂-၂၀၂၃ ရက်၊ ဗီယင်နာ) ဩစတြီးယား – မြန်မာလူမှုအဖွဲ့အစည်း (Austrian–Myanmar Society) ဥက္ကဋ္ဌဖြစ်သူ သွားဘက်ဆိုင်ရာဆေးတက္ကသိုလ်ပါမောက္ခ Dr. Andrew Moritz ၏ ဖိတ်ကြားချက်အရ ဩစတြီးယားနိုင်ငံဆိုင်ရာ မြန်မာသံအမတ်ကြီးဦးမင်းသိမ်းသည် ဂုဏ်ထူးဆောင်ကောင်စစ်ဝန်ချုပ် Mr. Philip Schonthal၊ ဩစတြီးယား-မြန်မာလူမှုအဖွဲ့အစည်းအဖွဲ့ဝင်များနှင့်အတူ ၈-၂-၂၀၂၃ ရက်တွင် ဗီယင်နာမြို့ရှိ သွားဘက်ဆိုင်ရာဆေးတက္ကသိုလ်နှင့် ဆေးရုံသို့သွားရောက်လေ့လာခဲ့ ပါသည်။ အဆိုပါလေ့လာရေးခရီးစဉ်တွင် ဩစတြီးယား-မြန်မာလူမှုအဖွဲ့အစည်း ဥက္ကဋ္ဌ Dr. Andrew Moritz နှင့်အတွင်းရေးမှူးချုပ် Dr. Christoph Kurzmann တို့က ခရီးဦးကြိုဆို နှုတ်ခွန်းဆက်စကားပြောကြားခဲ့ပြီး၊ မြန်မာသံအမတ်ကြီးကလည်း ဩစတြီးယား-မြန်မာ လူမှုအဖွဲ့အစည်း အဖွဲ့ဝင်များအား နှုတ်ဆက်စကားပြောကြားခဲ့ပါသည်။ မြန်မာသံအမတ်ကြီးက ၂၀၂၃ ခုနှစ်သည် မြန်မာ-ဩစတြီးယား နှစ်နိုင်ငံသံတမန်ဆက်ဆံရေးထူထောင်သည့် နှစ်(၇၀) ပြည့်မြောက်သော အခါသမယနှင့် တိုက်ဆိုင်သောနှစ်ဖြစ်ပါကြောင်း၊ ဩစတြီးယား-မြန်မာလူမှုအဖွဲ့အစည်းအနေဖြင့် လွန်ခဲ့သောနှစ်များက မြန်မာနိုင်ငံနှင့် ပူးပေါင်းဆောင်ရွက်ရေး အထူးသဖြင့် ဆေးဘက်ဆိုင်ရာကဏ္ဍတွင် ကူညီ ထောက်ပံ့ပေးခဲ့မှုများအပေါ် များစွာကျေးဇူးတင်ရှိပါကြောင်း၊ နောင်တွင်လည်းမြန်မာနိုင်ငံသို့ အကူအညီများ ဆက်လက်ပံ့ပိုးပေးရန် တိုက်တွန်းပါကြောင်း ပြောကြားခဲ့ပါသည်။ ထို့နောက် ဥက္ကဋ္ဌနှင့် အတွင်းရေးမှူးချုပ်တို့က သွားဘက်ဆိုင်ရာဆေးတက္ကသိုလ်ရှိ ကျောင်းသူ၊ ကျောင်းသားများလက်တွေ့ကွင်းဆင်းဆောင်ရွက်နေမှုနှင့် ဆေးရုံ၏ facility များအား လိုက်လံရှင်းလင်းပြသခဲ့ပါကြောင်း သိရှိရပါသည်။
(၇-၂-၂၀၂၃ ရက်၊ မော်စကို) ရုရှားဖက်ဒရေးရှင်းနိုင်ငံဆိုင်ရာ မြန်မာသံအမတ်ကြီး ဦးလွင်ဦးသည် ၇-၂-၂၀၂၃ ရက်၊ ဒေသစံတော်ချိန် နေ့လယ်(၁၂၀၀) နာရီတွင် ရုရှားဖက်ဒရေးရှင်းနိုင်ငံ၊ နိုင်ငံခြားရေးဝန်ကြီးဌာန၊ ဒုတိယ၀န်ကြီး H.E. Mr. Andrey Yurievich Rudenko က တည်ခင်းဧည့်ခံသည့် အလုပ်သဘော နေ့လယ်စာစားပွဲသို့ တက်ရောက်ခဲ့ပါသည်။ အဆိုပါ အလုပ်သဘော နေ့လယ်စာစားပွဲတွင် ယခု ၂၀၂၃ ခုနှစ်၌ အာဆီယံ-ရုရှား မဟာဗျူဟာမြောက် မိတ်ဖက်ဆက်ဆံရေး ၅ နှစ်ပြည့်မြောက်သည်ဖြစ်ရာ လုံခြုံရေး၊ နယ်စပ်ဖြတ်ကျော်မှုခင်း တိုက်ဖျက်ရေး၊ စီးပွားရေး၊စွမ်းအင်၊ သိပ္ပံ၊ ပညာရေး တို့ အပါအဝင် ဦးစားပေးကဏ္ဍများတွင် အပြန်အလှန် အကျိုးဖြစ်ထွန်းစေမည့်ပူးပေါင်းဆောင်ရွက်မှုများကို တိုးမြှင့်ရေးဆိုင်ရာ ပူးတွဲလုပ်ငန်းစဉ်များနှင့်ပတ်သက်၍ ဆွေးနွေးခဲ့ကြပါသည်။ ထို့အပြင် ငြိမ်းချမ်းပြီး အားလုံးပါ၀င်မှုရှိသည့် အတူတကွ ဖွံ့ဖြိုးတိုးတက်မှုနှင့် တစ်ဦး၏ အကျိုးစီးပွားကို တစ်ဦးက လေးစားမှုဟူသော မူများကို အခြေခံ၍ အာရှ-ပစိဖိတ်ဒေသတွင် အာဆီယံ ဗဟိုပြုသည့် architecture တစ်ရပ် ခိုင်မာစွာပေါ်ပေါက်လာစေရေးအတွက် ညှိနှိုင်းဆောင်ရွက်ရန် လိုအပ်ကြောင်းနှင့် လက်ရှိ အာဆီယံ၏မိတ်ဖက်များဖြစ်သော SCO နှင့် EAEU တို့ ပါ၀င်သည့် ဥရောပ-အာရှဒေသ ပေါင်းစည်းရေး၏ အရေးကြီးပုံတို့ကိုအလေးထား ဆွေးနွေးခဲ့ကြပြီး၊ နိုင်ငံတကာရေးရာနှင့် ဒေသတွင်း ကိစ္စရပ်များအပေါ် အမြင်ချင်းဖလှယ်ခဲ့ကြပါသည်။ နေ့လယ်စာစားပွဲသို့ အာဆီယံ-မော်စကို ကော်မတီ အဖွဲ့၀င်များ ဖြစ်ကြသည့် ရုရှားဖက်ဒရေးရှင်းနိုင်ငံဆိုင်ရာ အာဆီယံနိုင်ငံ သံရုံးများမှ သံအမတ်ကြီးများနှင့် သံရုံးယာယီတာဝန်ခံများ တက်ရောက်ခဲ့ကြကြောင်း သိရှိရပါသည်။
(၆-၂-၂၀၂၃ ရက်၊ ဟောင်ကောင်) ဟောင်ကောင်ဒေသအခြေစိုက် မြန်မာကောင်စစ်ဝန်ချုပ် ဦးဟန်ဝင်းနိုင် သည် ဒေသအခြေစိုက် အာဆီယံနိုင်ငံများ၏ ကောင်စစ်ဝန်ချုပ်များအား Island Shangrila Hotel ၌ ၆-၂-၂၀၂၃ ရက်တွင် နေ့လယ်စာဖြင့် တည်ခင်းဧည့်ခံခဲ့ပါသည်။ နေ့လယ်စာစားပွဲသို့ ဟောင်ကောင်ဒေသ အစိုးရ၏ ကိုယ်စားလှယ်တစ်ဦးဖြစ်သည့် Invest Hong Kong မှ Head of Consulate and Chamber Engagement ဖြစ်သူ Mr. K C Lam က ဧည့်သည်တော်အဖြစ် တက်ရောက်ခဲ့ကြောင်း သိရှိရပါသည်။
(၂-၂-၂၀၂၃ ရက်၊ ဗီယင်နာ) ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC) အမှုဆောင်ညွှန်ကြားရေးမှူး Ms. Ghada Waly နှင့် အဆိုပါရုံးတွင် ဖွဲ့စည်းထားသော ဗီယင်နာမြို့ အခြေစိုက် ကုလသမဂ္ဂဆိုင်ရာ အမြဲတမ်းကိုယ်စားလှယ်ရုံးများ၏ FINGOV (Open-ended…
