ကိုရီးယားသမ္မတနိုင်ငံဆိုင်ရာ မြန်မာသံရုံးယာယီတာဝန်ခံ/သံအမတ်ကြီး “The Completion of 10 ASEAN Benches at ASEAN-Korea Olle” အထိမ်းအမှတ်အခမ်းအနားသို့ ပါဝင်တက်ရောက်

(၁၃-၁၁-၂၀၂၅ ရက်၊ ဆိုးလ်)

ကိုရီးယားသမ္မတနိုင်ငံဆိုင်ရာ မြန်မာသံရုံးယာယီတာဝန်ခံ/သံအမတ်ကြီး ဦးမျိုးမြင့်မောင် သည် ၂၀၂၅ ခုနှစ်၊ နိုဝင်ဘာလ (၁၁) ရက်နေ့တွင် ဂျယ်ဂျူးမြို့၌ ကျင်းပခဲ့သည့် “ The Completion of 10 ASEAN Benches at ASEAN-Korea Olle” အထိမ်းအမှတ်အခမ်းအနားသို့ ပါဝင်တက်ရောက် ခဲ့ပါသည်။ အဆိုပါအခမ်းအနားသည် ၂၀၂၄ ခုနှစ်၊ နိုဝင်ဘာလတွင် ပြည့်မြောက်ခဲ့သော အာဆီယံ-ကိုရီးယားဆွေးနွေးဖက်ဆက်ဆံရေး (၃၅) နှစ်မြောက်နှစ်ပတ်လည်နေ့ အထိမ်းအမှတ်အခမ်း အနားအဖြစ် ပုံဖော်ဆောင်ရွက်ခဲ့သည့် “The Completion of the 10 ASEAN Benches at ASEAN-Korea Olle” အထိမ်းအမှတ်အခမ်းအနားဖြစ်ပါသည်။ အခမ်းအနားသို့ အာဆီယံ (၁၀) နိုင်ငံမှ သံအမတ်ကြီးများ၊ သံရုံးအကြီးအကဲများနှင့် ၎င်းတို့၏ ဇနီး၊ ခင်ပွန်းများနှင့်အတူ ပါဝင် တက်ရောက်ခဲ့ကြပါသည်။

အဆိုပါအစီအစဉ်ကို အာဆီယံကိုရီးယားစင်တာ (AKC)၊ ဂျယ်ဂျူး (Jeju) ကိုယ်ပိုင်အုပ်ချုပ်ခွင့်ရ အစိုးရအဖွဲ့နှင့် Olle Foundation တို့ ပူးပေါင်းလုပ်ဆောင်ခဲ့ခြင်းဖြစ်ပြီး အခမ်းအနားတွင် AKC ၏ Secretary General က အဖွင့်အမှာစကား ပြောကြားခြင်း၊ ဂျယ်ဂျူးကိုယ်ပိုင်အုပ်ချုပ်ခွင့်ရဒေသ ဒုတိယမြို့တော်ဝန်က ကြိုဆိုနှုတ်ခွန်းဆက်ပြောကြားခြင်း၊ ဆိုးလ်အခြေစိုက် အာဆီယံနိုင်ငံများ ၏ အလှည့်ကျဥက္ကဋ္ဌနှင့် Olle Foundation ၏ CEO တို့မှ ဝမ်းမြောက်စကားပြောကြားခြင်း၊ ကျောင်းသားလူငယ်လေးများ၏ တေးသံသာများဖြင့် ဖျော်ဖြေခြင်း၊ အမှတ်တရဓာတ်ပုံ ရိုက်ကူး ခြင်းတို့ ဆောင်ရွက်ခဲ့ကြသည်။ အဆိုပါအခမ်းအနားသို့ မြန်မာနိုင်ငံအပါအဝင် အာဆီယံနိုင်ငံများမှ ဖိတ်ကြားထားသည့် အာဆီယံကိုယ်စားလှယ်များ ပါဝင်တက်ရောက်သတင်းရယူကြသည်။

အခမ်းအနားအပြီးတွင် တက်ရောက်လာသူများက အာဆီယံ (၁၀) နိုင်ငံ အထိမ်းအမှတ်ဖြင့် စိုက်ထူထားသည့် အထိမ်းအမှတ်ကျောက်တိုင်များကို အက္ခရာစဉ်လိုက် Jeju Olle Trail Route အတိုင်း အတူတကွလမ်းလျှောက်ခဲ့ကြပြီး အမှတ်တရဓာတ်ပုံရိုက်ကူးခြင်း၊ အာဆီယံနိုင်ငံများမှ စာနယ်ဇင်းသမားများနှင့် တွေ့ဆုံခြင်းတို့ကို ဆောင်ရွက်ခဲ့ကြပါသည်။

အစီအစဉ်အတွင်း ဂုဏ်ပြုနေ့လယ်စာကို Jeju ကိုယ်ပိုင်အုပ်ချုပ်ခွင့်ရဒေသ ဒုတိယမြို့တော်ဝန်က လည်းကောင်း၊ ဂုဏ်ပြုညစာကို အာဆီယံ-ကိုရီးယားစင်တာအတွင်းရေးမှူးချုပ်က လည်းကောင်း တည်ခင်းဧည့်ခံခဲ့ကြောင်း သိရှိရပါသည်။