ဆားဘီးယားနိုင်ငံဆိုင်ရာ မြန်မာသံအမတ်ကြီး/ သံရုံးယာယီတာဝန်ခံနှင့် သံရုံးဝန်ထမ်းများ၊ မိသားစုဝင်များသည် ဘဲလ်ဂရိတ်မြို့ရှိ Kalemegdan ခံတပ်၌ ကျင်းပပြုလုပ်သည့် “Taste of Planet” National Cuisines ပွဲတော်၌ ပါဝင်ဆင်နွဲခဲ့ခြင်း

(၂၁-၉-၂၀၂၆၊ ဘဲလ်ဂရိတ်)

ဆားဘီးယားနိုင်ငံ၊ City of Belgrade မှ ဦးဆောင်၍ ၁၈-၉-၂၀၂၆ ရက်မှ ၂၀-၉-၂၀၂၆ ရက်အထိ ဘဲလ်ဂရိတ်မြို့ရှိ သမိုင်းဝင်အမွေအနှစ်နေရာဖြစ်သည့် Kalemegdan ခံတပ်တွင် “Taste of Planet National Cuisines” ပွဲတော်ခေါင်းစဉ်ဖြင့် ကျင်းပခဲ့ရာ ၁၈-၉-၂၀၂၆ ရက်၊ မွန်းလွဲပိုင်းတွင် သံအမတ်ကြီး/ သံရုံးယာယီတာဝန်ခံ ဦးသန်းထွေးနှင့် မြန်မာသံရုံးမှ ဝန်ထမ်းများ၊ မိသားစုဝင်များ ပါဝင်ဆင်နွဲခဲ့ကြပါသည်။

အဆိုပါပွဲတော်တွင် သံအမတ်ကြီး/ သံရုံးယာယီတာဝန်ခံ ဦးသန်းထွေးနှင့် City of Belgrade၊ ယဉ်ကျေးမှုဌာနမှ ဒုတိယဝန်ကြီး Ms. Jelena Medakovic တို့မှ အဖွင့်အမှာစကား အသီးသီးပြောကြားခဲ့ပြီး တက်ရောက်လာသည့် ဧည့်သည်များအား မြန်မာသံရုံးမှ မြန်မာ့ရိုးရာ အစားအစာဖြစ်သည့် မုန့်ဟင်းခါး၊ လက်ဖက်သုပ်တို့ဖြင့် တည်ခင်းဧည့်ခံ ကျွေးမွေးခဲ့ပါသည်။