အာဆီယံကော်မတီကူဝိတ်မှ စုပေါင်းသွေးလှူဒါန်းမှုသို့ မြန်မာသံရုံးပါဝင်(၄-၆-၂၀၂၆၊ ကူဝိတ်)

ကူဝိတ်နိုင်ငံဆိုင်ရာ အာဆီယံသံရုံးများဖြင့် ဖွဲ့စည်းထားသည့် အာဆီယံကော်မတီ ကူဝိတ်(ASEAN Committee in Kuwait-ACK)၏ အလှည့်ကျဥက္ကဌ ကူဝိတ်နိုင်ငံဆိုင်ရာ ဘရူနိုင်းသံရုံး၏စီစဉ်မှုဖြင့် စုပေါင်းသွေးလှူမှုကို ကူဝိတ်ဗဟိုသွေးလှူဘဏ်၌ ၂၀၂၆ခုနှစ်၊ ဇွန်လ ၄ ရက်နေ့တွင် ပြုလုပ်ခဲ့ရာ မြန်မာသံရုံး၊ ကူဝိတ်မြို့မှ သံအမတ်ကြီး ဦးချမ်းအေးနှင့် သံရုံးဝန်ထမ်းများ၊ ဝန်ထမ်းမိသားစုဝင်များ မြန်မာအသိုက်အဝန်းမှ သွေးလှူဒါန်းလိုသူများက အခြားသော အာဆီယံသံရုံးများမှ သံအမတ်ကြီးများ၊ သံရုံးယာယီတာဝန်ခံများ၊ သံတမန်များ၊ အခြားသွေးလှူဒါန်းလိုသူများနှင့်အတူ ပါဝင်လှူဒါန်းခဲ့ကြပါသည်။
ACK သည် ကူဝိတ်၌ အာဆီယံ၏ အခန်းကဏ္ဍကိုမြှင့်တင်နိုင်ရန်အတွက် ယခုကဲ့သို့ လူမှုရေးလုပ်ငန်းများကို သက်ဆိုင်ရာအလှည့်ကျဥက္ကဌ၏ စီစဉ်မှုဖြင့် လုပ်ဆောင်လျက်ရှိပြီး၊ မြန်မာသံရုံး၊ ကူဝိတ်မြို့မှလည်း ပုံမှန်ပါဝင်ပံ့ပိုးဆောင်ရွက်လျက်ရှိပါသည်။