(၂၇-၄-၂၀၂၂၊ ကိုလံဘို)
ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီက ဆက်ကပ်လှူဒါန်းသည့် “ အဘိဓဇမဟာရဋ္ဌဂုရု” ဘွဲ့တံဆိပ်တော်ရ ဆရာတော်ကြီး Most Venerable Aggamahapandita Dodampahala Chandrasiri Maha Thero ထံ ဆက်ကပ်လှူဒါန်းသည့်အခမ်းအနားကို ၂၆-၄-၂၀၂၂ ရက်နေ့ (အင်္ဂါနေ့) နံနက် ၁၀:၀၀ နာရီအချိန်တွင် ဆရာတော်ကြီးသီတင်းသုံးရာ သီရိလင်္ကာနိုင်ငံ Gothama Thapowanaya Monestry၊ Kalapaluwawa ၊Mulleriyawa- New Town တွင် ကျင်းပခဲ့ရာ သီရိလင်္ကာနိုင်ငံဆိုင်ရာ မြန်မာသံအမတ်ကြီး ဦးဟန်သူ နှင့် ဇနီး၊ မြန်မာသံရုံးဝန်ထမ်းများနှင့် မိသားစုများ တက်ရောက်ခဲ့ပါသည်။
မြန်မာသံအမတ်ကြီးက “ အဘိဓဇမဟာရဋ္ဌဂုရု” ဘွဲ့တံဆိပ်တော် ဆက်ကပ်လှူဒါန်းရသည့် အကြောင်းအရာကို ရှင်းလင်းပြောကြား၍ ဘွဲ့တံဆိပ်တော်နှင့် အဆောင်အယောင်တို့ကို ဆက်ကပ်လှူဒါန်းခဲ့ပါသည်။
ထို့နောက် “ အဘိဓဇမဟာရဋ္ဌဂုရု” ဘွဲ့တံဆိပ်တော်ရ ဆရာတော်ကြီး Most Venerable Aggamahapandita Dodampahala Chandrasiri Maha Thero မှ ကျေးဇူးတင်စကားပြောကြားခဲ့ပြီး မှတ်တမ်းတင်ဓာတ်ပုံရိုက်ကူး၍ အခမ်းအနားကို နံနက် ၁၁:၀၀ နာရီခန့်တွင် ရုပ်သိမ်းခဲ့ကြောင်း သိရှိရပါသည်။