အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီးက မြန်မာနိုင်ငံဆိုင်ရာ ဂျပန်နိုင်ငံ သံအမတ်ကြီးအား လက်ခံတွေ့ဆုံ

(၁၁-၉-၂၀၁၉ ရက်၊ နေပြည်တော်)

ပြည်ထောင်စုသမ္မတမြန်မာနိုင်ငံ၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီး ဦးကျော်တင်သည် မြန်မာနိုင်ငံဆိုင်ရာ ဂျပန်နိုင်ငံသံအမတ်ကြီး မစ္စတာ အီချိရော့ မာရုယာမအား နေပြည်တော်ရှိ နိုင်ငံခြားရေးဝန်ကြီးဌာန၌ ၁၁-၉-၂၀၁၉ ရက် ၁၀၃၀ နာရီအချိန်တွင် လက်ခံတွေ့ဆုံခဲ့သည်။

ထိုသို့တွေ့ဆုံရာတွင် ရခိုင်ပြည်နယ်မှ နေရပ်စွန့်ခွာသူများအား ပြန်လည်လက်ခံရေးကိစ္စတွင် မြန်မာနိုင်ငံ၏ ဆောင်ရွက်နေမှု အခြေအနေများနှင့် ကြုံတွေ့နေရသော အတားအဆီးများအား ပူးပေါင်းဖြေရှင်းဆောင်ရွက်နိုင်မည့် နည်းလမ်းများ၊ မြန်မာနိုင်ငံဘက်တွင် နေရပ်ပြန်လာသူများအတွက် ပတ်ဝန်းကျင်အခြေအနေကောင်း ဖန်တီးပေးရေး အတွက် အာဆီယံအဖွဲ့နှင့်လည်းကောင်း၊ ကုလသမဂ္ဂအေဂျင်စီများနှင့်လည်းကောင်း ပူးပေါင်းဆောင်ရွက်မှုတွင် ဂျပန်နိုင်ငံဘက်မှ အပြုသဘော ကူညီဆောင်ရွက်နိုင်မည့် နည်းလမ်းများကို ဆွေးနွေးခဲ့ကြကြောင်း သိရှိရပါသည်။