အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီးက အစ္စရေးနိုင်ငံ၊ တဲလ်အဗီးတက္ကသိုလ်၊ Institute for National Security Studies (INSS) ၏ အမှုဆောင်ဒါရိုက်တာအား လက်ခံတွေ့ဆုံ

(၁၇-၁၀-၂၀၁၉ ရက်၊ နေပြည်တော်)

အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင် သည် အစ္စရေးနိုင်ငံ၊ တဲလ်အဗီးတက္ကသိုလ်၊ Institute for National Security Studies (INSS) ၏ အမှုဆောင်ဒါရိုက်တာ Professor Amos Yadlin အား ၁၇-၁၀-၂၀၁၉ ရက်၊ ၁၃၃၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ပါသည်။

ထိုသို့တွေ့ဆုံရာတွင် မြန်မာနိုင်ငံနှင့် အစ္စရေးနိုင်ငံအကြား ဆက်ဆံရေး အခြေအနေ၊ ရခိုင်ပြည်နယ် အရေးကိစ္စ အပါအဝင် မြန်မာနိုင်ငံ ရင်ဆိုင်နေရသည့် စိန်ခေါ်မှုများအပေါ် သဘောထားအမြင်ချင်း ဖလှယ်ခဲ့ကြပါသည်။

အဆိုပါတွေ့ဆုံပွဲသို့ နိုင်ငံခြားရေးဝန်ကြီးဌာနမှ တာဝန်ရှိသူများနှင့် မြန်မာနိုင်ငံဆိုင်ရာ အစ္စရေး သံအမတ်ကြီး H.E. Mr. Ronen Gilor တို့လည်း တက်ရောက်ခဲ့ကြကြောင်း သိရှိရပါသည်။