(၅–၁၂–၂၀၂၂ ရက်၊ နေပြည်တော်)
အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီး ဦးကိုကိုလှိုင်သည် မြန်မာနိုင်ငံဆိုင်ရာ ဆွစ်ဇာလန်နိုင်ငံသံအမတ်ကြီး H.E. Mr. Tim Enderlin အား ၂၀၂၂ ခုနှစ်၊ ဒီဇင်ဘာလ ၅ ရက်၊ ၁၆၀၀ နာရီတွင် နေပြည်တော်ရှိ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံ ခဲ့ပါသည်။
တွေ့ဆုံဆွေးနွေးရာတွင် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနမှ တာဝန်ရှိသူများနှင့် ဆွစ်ဇာလန်သံရုံးမှ ငြိမ်းချမ်းရေးနှင့် ပဋိပက္ခဆိုင်ရာ အကြံပေးပုဂ္ဂိုလ်တို့ တက်ရောက်ခဲ့ကြပြီး မြန်မာနိုင်ငံအတွင်း လူသားချင်းစာနာထောက်ထားမှုနှင့် ဖွံ့ဖြိုး တိုးတက်မှု အကူအညီပေးအပ်ရေးဆိုင်ရာကိစ္စရပ်များနှင့်ပတ်သက်၍ဆွေးနွေးခဲ့ကြကြောင်း သိရှိရပါသည်။