အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီးက မြန်မာနိုင်ငံဆိုင်ရာ ဖင်လန်နိုင်ငံ သံအမတ်ကြီးအား လက်ခံတွေ့ဆုံ

(၁၈-၁၁-၂၀၁၉ ရက်၊ နေပြည်တော်)

အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ ပြည်ထောင်စုဝန်ကြီး ဦးကျော်တင်သည် မြန်မာနိုင်ငံဆိုင်ရာ ဖင်လန်နိုင်ငံ သံအမတ်ကြီး H.E. Mrs. Riikka Laatu အား ၁၈-၁၁-၂၀၁၉ ရက်၊ ၁၆၁၅ နာရီအချိန်တွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ပါသည်။

ယင်းသို့တွေ့ဆုံရာတွင် မြန်မာ-ဖင်လန် နှစ်နိုင်ငံအကြား ဆက်ဆံရေးနှင့် ဖွံ့ဖြိုးတိုးတက်ရေး ပူးပေါင်းဆောင်ရွက်မှုများ တိုးမြှင့်ဆောင်ရွက်ရန်၊ အဆင့်မြင့်ကိုယ်စားလှယ်အဖွဲ့များ၏ အပြန်အလှန် ချစ်ကြည်ရေးခရီးစဉ်များအပါအဝင် နှစ်နိုင်ငံအကြား ပုံမှန်ဆွေးနွေးညှိနှိုင်းမှု တစ်ရပ်ပြုလုပ်ရန် ဆွေးနွေးခဲ့ကြပြီး ရခိုင်ပြည်နယ်မှ နေရပ်စွန့်ခွာသူများအား စိစစ်ပြီးပြန်လည်လက်ခံရေးကိစ္စတွင် မြန်မာနိုင်ငံ၏ အာဆီယံအဖွဲ့နှင့်လည်းကောင်း၊ ကုလသမဂ္ဂအေဂျင်စီများနှင့် လည်းကောင်း ပူးပေါင်းဆောင်ရွက်နေမှု အခြေအနေများကို ခင်မင်ရင်းနှီးစွာ အမြင်ချင်းဖလှယ်ခဲ့ကြကြောင်း သိရှိရပါသည်။