နီပေါနိုင်ငံဆိုင်ရာ မြန်မာသံအမတ်ကြီး ဦးသန့်စင်သည် နီပေါယဉ်ကျေးမှု၊ ခရီးသွားလုပ်ငန်းနှင့် လေကြောင်းပို့ဆောင်ရေးဝန်ကြီးဌာန ဝန်ကြီးနှင့် လုမ္ဗိနီဒေသဖွံ့ဖြိုးတိုးတက်ရေးအဖွဲ့ ဥက္ကဋ္ဌ Honourable Mr. Khadak Raj Poudel ၏ဖိတ်ကြားချက်အရ ၂၀၂၆ ခုနှစ်၊ မေလ ၁ ရက်နေ့၊ နံနက် ၈၀၀ နာရီတွင် လုမ္ဗိနီဗုဒ္ဓဥယျာဉ်တော်၊ မယ်တော်မာယာကျောင်းတိုက်၌ကျင်းပသည့် The 2570th Buddha Jayanti and Lumbini Day – 2026 (ဗုဒ္ဓနေ့အခမ်းအနား)သို့ တက်ရောက် ခဲ့ပါသည်။
အဆိုပါဗုဒ္ဓနေ့အခမ်းအနားသို့ နီပေါနိုင်ငံရှိ ဆရာတော်ကြီးများနှင့် သီလရှင်ဆရာကြီးများ၊ လုမ္ဗိနီဒေသဖွံ့ဖြိုးတိုးတက်ရေးအဖွဲ့ (Lumbini Development Trust) နှင့် ဘာသာရေးဆိုင်ရာ အဖွဲ့အစည်းများမှ ကိုယ်စားလှယ်များ၊ မြန်မာ၊ တရုတ်၊ အိန္ဒိယ၊ ဂျပန်နှင့် သီရိလင်္ကာသံရုံးများမှ သံအမတ်ကြီးများနှင့်သံတမန်များ၊ ကုလသမဂ္ဂရုံးဌာနေကိုယ်စားလှယ်၊ တောင်အာရှဒေသ ပူးပေါင်းဆောင်ရွက်ရေးအဖွဲ့ အတွင်းရေးမှူးချုပ်ရုံးမှ ကိုယ်စားလှယ်များ၊ ဖိတ်ကြားထားသည့် ဧည့်သည်တော်များနှင့် ဘုရားဖူးလာပြည်သူ စုစုပေါင်း (၅၀၀) ကျော်ခန့်တက်ရောက်ခဲ့ကြကြောင်း သိရှိရပါသည်။
