ထိုင်းနိုင်ငံဆိုင်ရာ မြန်မာသံအမတ်ကြီးက ထိုင်းနိုင်ငံခြားရေးဝန်ကြီးဌာန၊ ဒုတိယဝန်ကြီးအား သွားရောက်တွေ့ဆုံ

(၂၈-၁၁-၂၀၁၉၊ ဗန်ကောက်မြို့)

ထိုင်းနိုင်ငံဆိုင်ရာ မြန်မာသံအမတ်ကြီး ဦးမျိုးမြင့်သန်းသည် ထိုင်းနိုင်ငံခြားရေးဝန်ကြီးဌာန၊ ဒုတိယဝန်ကြီး H.E. Mr. Vijavat Isarabhakdi အား ၂၇-၁၁-၂၀၁၉ ရက်တွင် ထိုင်းနိုင်ငံခြားရေးဝန်ကြီးဌာန၌ သွားရောက်ဂါရဝပြု တွေ့ဆုံခဲ့ပါသည်။

            ထို့သို့ တွေ့ဆုံစဉ် မဲဆောက်-မြဝတီ ထိုင်း-မြန်မာ ချစ်ကြည်ရေးတံတား အမှတ် (၂) ဖွင့်လှစ်ခဲ့ခြင်းကိစ္စ၊ နှစ်နိုင်ငံ ပူးပေါင်းဆောင်ရွက်မှုဖြင့် ထိုင်းနိုင်ငံရောက် မြန်မာ နေရပ်စွန့်ခွာသူများ မိမိသဘောဆန္ဒအလျောက် နေရပ်ပြန်နိုင်ရေး ဆောင်ရွက်လျက်ရှိရာ ပဉ္မမအကြိမ် ပြန်လည်လက်ခံနိုင်ရေးအတွက် ပြင်ဆင်ဆောင်ရွက်နေမှုများ၊ ထိုင်းနိုင်ငံရောက် မြန်မာရွှေ့ပြောင်းအလုပ်သမားများကိစ္စ၊ မြန်မာ-ထိုင်း နယ်စပ် မောတောင်-ဆင်ခွန်းဒေသတွင် နယ်စပ်ဂိတ်နှင့် ကုန်သွယ်ရေးစခန်း ဖွင့်လှစ်ရေးကိစ္စအပါအဝင် မြန်မာ-ထိုင်း နှစ်နိုင်ငံအကြား ပူးပေါင်း ဆောင်ရွက်လျက်ရှိသည့် ကိစ္စရပ်များကို အမြင်ချင်းဖလှယ် ဆွေးနွေးခဲ့ကြပါသည်။ ထို့ပြင် ရခိုင်ပြည်နယ်အရေးကိစ္စနှင့် စပ်လျဉ်း၍ မြန်မာနိုင်ငံမှ အပြည်ပြည်ဆိုင်ရာတရားရုံး (ICJ) သို့ သွားရောက်မည့်ကိစ္စနှင့် ပတ်သက်၍ ဖြစ်ပေါ်တိုးတက်မှုများကို ဒုတိယဝန်ကြီးက မေးမြန်းခဲ့ရာ သံအမတ်ကြီးမှ လက်ရှိ ဆောင်ရွက်နေမှုအခြေအနေများကို ပြန်လည်ရှင်းပြခဲ့ကြောင်း သိရှိရပါသည်။