(၂၉-၉-၂၀၂၆၊ ချုံချင့်)
မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦးကျော်ဇေယျာလင်းသည် ချုံချင့်မြူနီစီပယ်အစိုးရ နိုင်ငံခြားရေးရာဌာန၏ ဖိတ်ကြားချက်အရ ၂၈-၉-၂၀၂၆ ရက်၊ ၁၈၀၀ နာရီတွင် ချုံချင့်နိုင်ငံခြားရေးရာဌာန၌ ကျင်းပပြုလုပ်သည့် တရုတ်ပြည်သူ့သမ္မတနိုင်ငံထူထောင်ခြင်း (၇၇) နှစ်မြောက် အထိမ်းအမှတ် အခမ်းအနားသို့ ပါဝင်တက်ရောက်ခဲ့ပါသည်။
အဆိုပါအခမ်းအနားသို့ တရုတ်ကွန်မြူနစ်ပါတီဗဟိုကော်မတီ ချုံချင့်ကော်မတီ၏ ဒုတိယအတွင်းရေးမှူးနှင့် ချုံချင့်မြို့တော်ဝန် Mr. Chen Xinwu၊ ချုံချင့်မြူနီစီပယ် ပြည်သူ့ကွန်ဂရက် အမြဲတမ်းကော်မတီ၏ ဒုတိယဥက္ကဋ္ဌ Mr. Zhao Shiqing၊ ချုံချင့်မြို့ ဒုတိယမြို့တော်ဝန် Mr. Huang Maojun တို့နှင့် ချုံချင့်မြို့နှင့် ချန်ဒူးမြို့အခြေစိုက် ကောင်စစ်ဝန်ချုပ်ရုံးများမှ ကောင်စစ်ဝန်ချုပ်များနှင့် ကိုယ်စားလှယ်များ၊ ဖိတ်ကြားထားသည့် ဧည့်သည်တော်များ ပါဝင်တက်ရောက်ခဲ့ကြောင်း သိရှိရပါသည်။