ဂျပန်နိုင်ငံ၊ တိုကျိုမြို့မှ စေတနာရှင် Ms. MORIAI Sachi မှ ဆင်းရဲနွမ်းပါးသည့် မိသားစုများနှင့် မိဘမဲ့ကလေးများအတွက် အလှူငွေကို မြန်မာသံရုံးသို့ လာရောက်လှူဒါန်း

(၂၇-၇-၂၀၂၀ ရက်၊ တိုကျိုမြို့)

ဂျပန်နိုင်ငံ၊ တိုကျိုမြို့မှ စေတနာရှင် Ms. MORIAI Sachi မှ မြန်မာနိုင်ငံရှိ ဆင်းရဲနွမ်းပါးသည့် မိသားစုများနှင့် မိဘမဲ့ကလေးများအတွက် ဂျပန်ယန်းငွေ ၂၀၀,၀၀၀.၀၀ (ဂျပန်ယန်းငွေ နှစ်သိန်းတိတိ) ကို မြန်မာသံအမတ်ကြီး ဦးမြင့်သူထံ ယနေ့နံနက်ပိုင်းတွင် လာရောက်လှူဒါန်းခဲ့ပါသည်။

မြန်မာသံအမတ်ကြီးမှ စေတနာရှင် Ms. MORIAI Sachi အား ကျေးဇူးတင်ရှိကြောင်း ပြန်လည်ပြောကြားခဲ့ပြီး၊ လှူဒါန်းငွေအတွက် ကျေးဇူးတင်ဂုဏ်ပြုလွှာ ပြန်လည်ပေးအပ်ခဲ့ပါသည်။

စေတနာရှင် Ms. MORIAI Sachi ၏ ဖခင်ဖြစ်သူသည် ဒုတိယကမ္ဘာစစ်အတွင်း မြန်မာစစ်မြေပြင်၌ ကျဆုံးခဲ့ပြီး၊ ဖခင်အား ရည်စူး၍ အလှူဒါနပြုခြင်းဖြစ်ကြောင်း ဖော်ပြအပ်ပါသည်။