(၂၂-၁၁-၂၀၂၅ ရက်၊ ချုံချင့်)
ချုံချင့်မြို့၊မြန်မာကောင်စစ်ဝန်ချုပ်ရုံး၊ကောင်စစ်ဝန်ချုပ် ဦးကျော်ဇေယျာလင်း သည် ဟူပေပြည်နယ်၊ ဝူဟန်မြို့တွင် ကျင်းပပြုလုပ်သည့် 2025 Wuhan (Hankoubei) Commodities Fair အခမ်းအနားသို့ တက်ရောက်ရန် ၁၈-၁၁-၂၀၂၅ ရက်မှ ၂၁-၁၁-၂၀၂၅ ရက်ထိ ဝူဟန်မြို့သို့ သွားရောက်ခဲ့ပါသည်။ ခရီးစဉ်အတွင်း ကောင်စစ်ဝန်ချုပ်သည် ဟူပေပြည်နယ် ပညာရေးဌာန၊ ပြည်သူ့လုံခြုံရေးဌာန၊ စီးပွားရေးဌာန၊ ဝူဟန်မြို့ နိုင်ငံခြားရေးရာဌာနတို့မှ တာဝန်ရှိသူများနှင့် သီးခြားစီ တွေ့ဆုံ၍ မြန်မာနိုင်ငံနှင့် ဟူပေပြည်နယ်အကြား ပူးပေါင်းဆောင်ရွက်မှုများ တိုးမြှင့် နိုင်ရေး အမြင်ချင်းဖလှယ် ဆွေးနွေးခဲ့ကြပါသည်။
ထိုသို့တွေ့ဆုံဆွေးနွေးရာတွင် ကောင်စစ်ဝန်ချုပ်သည် မြန်မာနိုင်ငံနှင့် ဟူပေ ပြည်နယ်အကြား ပညာရေးကဏ္ဍ ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင် ရေး၊ မြန်မာနိုင်ငံနှင့် ဟူပေပြည်နယ်အကြား ပညာရေးဆိုင်ရာ နားလည်မှု စာချွန်လွှာ လက်မှတ်ရေးထိုးနိုင်ရေး ၊ မြန်မာနိုင်ငံနှင့် ဟူပေပြည်နယ်အကြား စီးပွားရေးနှင့် ကုန်သွယ်ရေးကဏ္ဍ ပူးပေါင်းဆောင်ရွက်မှုများ တိုးမြှင့် လုပ်ဆောင်နိုင်ရေး၊ မြန်မာ နိုင်ငံမှ ဟူပေပြည်နယ်သို့ အကြောင်းအမျိုးမျိုးဖြင့် ရောက်ရှိနေကြသူများအား နိုင်ငံ သား စိစစ်ခြင်းကိစ္စရပ်များ၊ ဖမ်းဆီးထိန်းသိမ်းခံထားရသူများအား ဟူပေပြည်နယ် သက်ဆိုင်ရာ ပြည်သူ့လုံခြုံရေးဌာနများမှ လူသားချင်း စာနာထောက်ထားမှု အကူ အညီများ ပံ့ပိုးပေးနိုင်ရေးကိစ္စရပ်နှင့် နေရပ်သို့ ပြန်လည်ပို့ဆောင်ခြင်း ကိစ္စရပ်များ၊ မြန်မာနိုင်ငံနှင့် ဝူဟန်မြို့အကြား စီးပွားရေး၊ ကုန်သွယ်ရေး၊ ရင်းနှီးမြှုပ်နှံမှုနှင့် ယဉ် ကျေးမှုဖလှယ်ရေး၊ ခရီးသွားကဏ္ဍ ဖွံ့ဖြိုးတိုးတက်ရေးတို့အတွက် နှစ်ဖက် ပူးပေါင်း ဆောင်ရွက်နိုင်မှု မြှင့်တင့်နိုင်ရေးနှင့် မြန်မာနိုင်ငံနှင့် ဝူဟန်မြို့တို့အကြား တိုက်ရိုက် လေကြောင်းလိုင်း ပြေးဆွဲနိုင်ရေးကိစ္စရပ်များကို နှစ်ဖက်အမြင်ချင်းဖလှယ် ဆွေးနွေး ခဲ့ကြကြောင်း သိရှိရပါသည်။