ကင်ဘာရာမြို့အခြေစိုက်၊ အာဆီယံနိုင်ငံသံရုံးများ၏ တတိယအကြိမ်မြောက် Bowling အားကစားပြိုင်ပွဲ ကျင်းပခြင်း

(၁၀-၉-၂၀၁၉ ရက်၊ ကင်ဘာရာမြို့)

ကင်ဘာရာမြို့အခြေစိုက်၊ အာဆီယံနိုင်ငံသံရုံးများ၏ တတိယအကြိမ်မြောက် Bowling Tournament ကို ၇-၉-၂၀၁၉ ရက်နေ့တွင် Zone Bowling Tuggeranong အားကစားကွင်း၌ အာဆီယံကင်ဘာရာကော်မတီ (ACC) ၏ ဥက္ကဋ္ဌ၊ မြန်မာသံအမတ်ကြီး ဦးသာအောင်ညွန့်က ဦးဆောင်လျက် ကျင်းပပြုလုပ်ခဲ့ပါသည်။

အဆိုပါပြိုင်ပွဲကို အာဆီယံသံရုံးအသီးသီး၏ အကြီးအကဲများက စတင်ဖွင့်လှစ်ပေးခဲ့ပြီး၊ သံရုံးအကြီးအကဲများနှင့် ဇနီးများ ၊ သံရုံးဝန်ထမ်းများ၊ မိသားစုဝင်များ စုစုပေါင်း (၈၀) ဦးတို့ ရင်းနှီးခင်မင်စွာ ပါဝင်ဆင်နွှဲခဲ့ကြပြီး ဆုရရှိသူများကို မြန်မာသံအမတ်ကြီးနှင့် ဘရူနိုင်း သံအမတ်ကြီးတို့မှ ဆုများချီးမြှင့်ခဲ့ပါသည်။

အာဆီယံ Bowling ပြိုင်ပွဲကို (ACC) ဥက္ကဋ္ဌအဖြစ် တာဝန်ယူဆောင်ရွက်ချိန်အတွင်း ပထမအကြိမ်အဖြစ်၂၀၁၇ ခုနှစ်တွင် ဘရူနိုင်းနိုင်ငံမှလည်းကောင်း၊ ဒုတိယအကြိမ်အဖြစ် ၂၀၁၈ ခုနှစ်တွင် လာအိုနိုင်ငံမှလည်းကောင်း၊ ယခု ၂၀၁၉ ခုနှစ်တွင် တတိယအကြိမ်အဖြစ် မြန်မာနိုင်ငံမှ (ACC) ဥက္ကဋ္ဌအဖြစ် ဆောင်ရွက်နေစဉ်အတွင်း ဦးဆောင်ကျင်းပခဲ့ခြင်းဖြစ်ပါသည်။