Union Minister U Kyaw Tin attends the 52nd ASEAN Foreign Ministers’ Meeting and Related Ministerial Meetings

(Bangkok, 3 Aug 2019)

ASEAN Foreign Ministers reiterate continued support to Myanmar’s efforts to bring peace, stability, the rule of law and to promote harmony and reconciliation in Rakhine State

The Myanmar Delegation led by U Kyaw Tin, Union Minister for International Cooperation, attended the 52nd ASEAN Foreign Ministers’ Meeting (AMM) and its Related Ministerial Meetings held in Bangkok, Thailand from 30th July to 3rd August 2019.

While in Bangkok, the Union Minister attended Interface Meeting with Representatives of the ASEAN Intergovernmental Commission on Human Rights (AICHR), Meeting of the Southeast Asia Nuclear Weapon-Free Zone (SEANWFZ) Commission and Working Dinner of the ASEAN Foreign Ministers on 30th July 2019. At the Working Dinner, the Ministers also informally exchanged views, among others, on the implementation of the Preliminary Needs Assessment (PNA) report relating to Rakhine State.

At the Working Dinner, the Union Minister informed the Meeting about the visit to Cox’s Bazar of the Myanmar High-Level delegation to share the information on arrangements made for prospective returnees, steps taken to form a Technical Working Group comprising of officials from Myanmar, ASEAN Secretariat and AHA Centre, to implement the recommendations made in the report of the Preliminary Needs Assessment, ongoing cooperation with UNDP and UNHCR to create a conducive environment for the returnees and efforts made by the Myanmar Government for the repatriation. The ASEAN Ministers agreed to the proposal made by the Secretary-General of ASEAN to set up an Ad Hoc Unit to help with the implementation of the recommendations of the PNA Mission,

On 31st July, the Union Minister paid a joint courtesy call on Mr. Prayut Chan-o-cha, Prime Minister of the Kingdom of Thailand, together with other ASEAN Foreign Ministers. Then, the Union Minister attended Opening Ceremony of the 52nd ASEAN Foreign Ministers’ Meeting, Plenary and Retreat Sessions of the 52nd ASEAN Foreign Ministers’ Meeting (AMM), Signing Ceremony of the Instruments of Accession to the Treaty of Amity and Cooperation in Southeast Asia (TAC) by Peru and ASEAN Post Ministerial Conferences (PMC) with China, Russia and New Zealand.

On 1st August, the Union Minster attended ASEAN Post Ministerial Conferences (PMC) with Australia, Japan, India, Canada, the United States, European Union and Republic of Korea. At the ASEAN-Canada Ministerial Meeting, Union Minister U Kyaw Tin co-chaired the Meeting with Chrystia Freeland, Minister of Foreign Affairs of Canada. In the evening, the Union Minister attended Gala Dinner hosted by the Foreign Minister of Thailand.

On 2nd August, the Union Minister attended the 20th ASEAN Plus Three Foreign Ministers’ Meeting, 9th East Asia Summit Foreign Ministers’ Meeting and Retreat and Plenary Sessions of 26th ASEAN Regional Forum.

At the 9th East Asia Summit Foreign Ministers’ Meeting and Retreat of the 26th ASEAN Regional Forum, Ministers made reference to the complex humanitarian situation in Rakhine. The Ministers stressed the importance of addressing the root causes of the problem and creating a conducive environment for the returnees. They also welcomed the report of the PNA Mission and the visit of Myanmar High-Level delegation to Cox’s Bazar to share the information on arrangements made by Myanmar for prospective returnees. They encouraged ASEAN to continue its efforts to help Myanmar in addressing the humanitarian situation in Rakhine. They also encouraged Myanmar and Bangladesh to continue constructive and effective dialogue to facilitate the repatriation process.

Union Minister U Kyaw Tin briefed both Meetings on Myanmar’s efforts to address the situation in Rakhine State. In his briefing, the Union Minister stated that Rakhine issue is just one of many challenges facing Myanmar in its efforts for democratic transition, peace and national reconciliation and development. He added that the world is focusing on just this issue, due to wrongful mischaracterisation of the issue as a religious one. He made it clear that it is neither an issue of religious persecution nor an issue of driving one ethnic group out of the country. But it was an issue with deep-rooted history involving irregular cross-border migration, as there had been three waves of illegal mass migrations into Myanmar since the time of colonial period and it is therefore, imperative to solve the issue bilaterally. He stressed that the world should not overlook that the recent mass displacement into Bangladesh side was triggered by provocative, coordinated attacks of ARAS terror group against multiple police outposts in October 2016 and August 2017. He refuted that the number of the displaced persons claimed by the Bangladesh side as 1.2 million is too much inflated and have to be verified and confirmed. He also stated that the Government of Myanmar has been addressing the accountability issue through the Independence Commission of Enquiry (ICOE) which has yet to receive permission from Bangladesh to visit Cox’s Bazar.

Then, the Union Minister stated that the Government of Myanmar is committed to make efforts to bring peace, security and development for all communities in Rakhine State as effectively as possible. He reaffirmed Myanmar’s readiness to receive the verified displaced persons in accordance with the bilateral agreements. He added that the issue of citizenship would be addressed in line with the 1982 Myanmar Citizenship Law and they need to undergo verification process to apply for citizenship. He also updated the Meetings of the visit of Myanmar High-Level delegation comprising representatives from the ASEAN Secretariat, AHA Centre and ASEAN-ERAT to Cox’s Bazar to share the information on arrangements made for the returnees and then informed that such arrangement would be continued in the future. The Union Minister also apprised the Meeting of Myanmar’s effort to create conducive environment for the returnees in cooperation with ASEAN and the United Nations Agencies, ensuring that ASEAN’s projects were not to sideline the works of UN but to complement and reinforce each other.

The Union Minister also pointed out that the issue of Rakhine State is a complex one which requires time and space to build trust and harmony among communities and to educate all communities to live harmoniously. He added that if both neighbours, Myanmar and Bangladesh, strictly follow the bilateral agreements, the repatriation could be made a success, as has been done in the past. He also informed the Meetings of Myanmar’s readiness to resolve the issue in accordance with the bilateral agreements, his invitation extended to the Foreign Minister of Bangladesh to visit Myanmar to discuss the issue and the agreement to continue holding of trilateral Ministerial Meeting among Myanmar, Bangladesh and China. He also highlighted the importance of avoiding measures that could worsen the situation and drive the communities farther apart, and welcomed any partners who really wish to facilitate Myanmar’s effort in bringing the conflicting communities together and finding a sustainable solution to the issue.

The Union Minister also attended the 12th Lower Mekong Initiatives (LMI) Ministerial Meeting, 10th Mekong-Ganga Cooperation (MGC) Ministerial Meeting, 9th Mekong-Republic of Korea Ministerial Meeting, and 12th Mekong-Japan Ministerial Meeting.

While in Bangkok, the Union Minister had bilateral meetings with Ministers of Foreign Affairs of Thailand, Norway and Republic of Korea as well as High Representative of European Union for Foreign Affairs and Security Policy and Vice President of the European Commission. During the bilateral meetings, the Union Minister discussed issues of mutual interests and promotion of bilateral relations.

At the end of the ASEAN Foreign Ministers’ Meeting, the Joint Communiqué of the 52nd ASEAN Foreign Ministers’ Meeting was issued. In the Joint Communique, the ASEAN Foreign Ministers, among others, welcomed the recent visit of High-Level Mission led by the Permanent Secretary of the Ministry of Foreign Affairs of Myanmar together with representatives from the ASEAN Secretariat and the AHA Centre, including an ASEAN-ERAT member, to Cox’s Bazaar, Bangladesh to share the information on arrangement made by Myanmar for prospective returnees. They welcomed the extension of the MOU between Myanmar, UNHCR and UNDP . They also look forward to the continued and effective dialogue between Myanmar and Bangladesh to facilitate the repatriation process. They also reaffirmed ASEAN’s support for Myanmar’s efforts to bring peace, stability, the rule of law, to promote harmony and reconciliation among the various communities as well as to ensure sustainable and equitable development in Rakhine State.

(၅၂) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးနှင့် ဆက်စပ်အစည်းအဝေးများသို့ ပြည်ထောင်စုဝန်ကြီး ဦးကျော်တင် တက်ရောက်

(၃-၈-၂၀၁၉ ရက်၊ ဗန်ကောက်မြို့)

ရခိုင်ပြည်နယ်ရှိ အသိုက်အဝန်းအားလုံး၏ တည်ငြိမ်အေးချမ်းရေး၊ တရားဥပဒေစိုးမိုးရေး၊ လူ့အဖွဲ့အစည်းများအကြား သဟဇာတဖြစ်ရေးနှင့် ပြန်လည်သင့်မြတ်ရေးတို့အတွက် မြန်မာအစိုးရ၏ ကြိုးပမ်းဆောင်ရွက်ချက်များကို ဆက်လက်ထောက်ခံကြောင်း အာဆီယံက ထပ်လောင်းအတည်ပြု

အပြည်ပြည်ဆိုင်ရာ ပူးပေါင်းဆောင်ရွက်ရေး၀န်ကြီးဌာန၊ ပြည်ထောင်စု၀န်ကြီး ဦးကျော်တင် ဦးဆောင်သော မြန်မာကိုယ်စားလှယ်အဖွဲ့သည် ထိုင်းနိုင်ငံ၊ ဗန်ကောက်မြို့တွင် ၂၀၁၉ ခုနှစ်၊ ဇူလိုင်လ ၃၀ ရက်မှ ဩဂုတ်လ ၃ ရက်အထိ ကျင်းပပြုလုပ်သည့် (၅၂) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးနှင့် ဆက်စပ်အစည်းအဝေးများသို့ တက်ရောက်ခဲ့သည်။ ပြည်ထောင်စုဝန်ကြီးသည် ၂၀၁၉ ခုနှစ်၊ ဇူလိုင်လ ၃၀ ရက်တွင် လူ့အခွင့်အရေးနှင့် စပ်လျဉ်းသည့် အာဆီယံအစိုးရချင်းဆိုင်ရာကော်မရှင်၏ ကိုယ်စားလှယ်များနှင့် တွေ့ဆုံဆွေးနွေးပွဲ၊ အရှေ့တောင်အာရှ နျူကလီးယားလက်နက်ကင်းမဲ့ဇုန်ဆိုင်ရာကော်မရှင် အစည်းအဝေးနှင့် အာဆီယံနိုင်ငံခြားရေး ဝန်ကြီးများ၏ အလုပ်သဘော ညစာစားပွဲတို့သို့ အခြား အာဆီယံ နိုင်ငံခြားရေးဝန်ကြီးများနှင့်အတူ တက်ရောက်ခဲ့သည်။ အလုပ်သဘောညစာစားပွဲတွင် ရခိုင်ပြည်နယ်အရေးကိစ္စ ဖြေရှင်းရာတွင် မြန်မာနှင့် အာဆီယံအကြား ပူးပေါင်းဆောင်ရွက်နိုင်မည့် နယ်ပယ်များကို လေ့လာသည့် အာဆီယံဆန်းစစ်လေ့လာရေးအဖွဲ့၏ အစီရင်ခံစာပါ အကြံပြုချက်များ ဆက်လက်ပူးပေါင်း အကောင်အထည်ဖော်ဆောင်ရွက်မည့် အစီအစဉ်များကို အလွတ်သဘော ဆွေးနွေးခဲ့ကြသည်။

ပြည်ထောင်စုဝန်ကြီးက ပြန်လည်လက်ခံရေးအတွက် ပြင်ဆင်ဆောင်ရွက်ထားရှိမှု အခြေအနေများကို ဘင်္ဂလားဒေ့ရှ်နိုင်ငံ၊ ကော့ဘဇားရှိ နေရပ်စွန့်ခွာသူများထံသို့ သွားရောက် ရှင်းလင်းပြောကြားခဲ့သည့် မြန်မာအဆင့်မြင့်ကိုယ်စားလှယ်အဖွဲ့၏ ခရီးစဉ်၊ အာဆီယံဆန်းစစ်လေ့လာရေးအဖွဲ့၏ အစီရင်ခံစာပါ အကြံပြုချက်များကို ဆက်လက်အကောင်အထည်ဖော်ရေးအတွက် မြန်မာ၊ အာဆီယံ အတွင်းရေးမှူးချုပ်ရုံးနှင့် AHA Centre တို့မှ ကိုယ်စားလှယ်များ ပါဝင်သည့် လုပ်ငန်းအဖွဲ့တစ်ရပ် ဖွဲ့စည်းဆောင်ရွက်မှုအခြေအနေများ၊ ပြန်လည်ဝင်ရောက်လာသူများအတွက် ကောင်းမွန်သောပတ်ဝန်းကျင် ဖန်တီးရာတွင် UNDP ၊ UNHCR တို့နှင့် ဆက်လက် ပူးပေါင်းဆောင်ရွက်နေသည့် အခြေအနေများ စသည်တို့အပါအဝင် နေရပ်စွန့်ခွာသူများ ပြန်လည်လက်ခံရေးအတွက် မြန်မာအစိုးရ၏ ကြိုးပမ်းဆောင်ရွက်ချက်များကို ရှင်းလင်းအသိပေးခဲ့သည်။ ထို့နောက် အာဆီယံနိုင်ငံခြားရေးဝန်ကြီးများက အာဆီယံဆန်းစစ်လေ့လာရေးအဖွဲ့၏ အစီရင်ခံစာပါ အကြံပြုချက်များ အကောင်အထည်ဖော်ရာတွင် ကူညီပံ့ပိုးပေးမည့် Ad Hoc Unit တစ်ခု ယာယီထားရှိရန် အာဆီယံအတွင်းရေးမှူးချုပ်၏ အဆိုပြုချက်ကို သဘောတူညီခဲ့ကြသည်။

ပြည်ထောင်စုဝန်ကြီးသည် ဇူလိုင်လ ၃၁ ရက်၊ နံနက်ပိုင်းတွင် အခြား အာဆီယံ နိုင်ငံခြားရေးဝန်ကြီးများနှင့်အတူ ထိုင်းနိုင်ငံဝန်ကြီးချုပ် ဗိုလ်ချုပ်ကြီး ပရာယုဒ်ချန်အိုချာ (ငြိမ်း) အား ပူးတွဲဂါရဝပြုတွေ့ဆုံခဲ့ပြီးနောက် (၅၂) ကြိမ်မြောက် အာဆီယံနိုင်ငံခြားရေး၀န်ကြီးများ အစည်းအဝေး၏ ဖွင့်ပွဲအခမ်းအနားသို့ လည်းကောင်း၊ (၅၂) ကြိမ်မြောက် အာဆီယံနိုင်ငံခြားရေး၀န်ကြီးများ၏ မျက်နှာစုံညီ အစည်းအဝေးနှင့် သီးသန့်အစည်းအဝေးသို့လည်းကောင်း၊ အရှေ့တောင်အာရှ ချစ်ကြည်ရေးနှင့် ပူးပေါင်းဆောင်ရွက်ရေးစာချုပ်သို့ ပီရူးနိုင်ငံက ပါဝင် လက်မှတ်ရေးထိုးသည့် အခမ်းအနားသို့လည်းကောင်း၊ အာဆီယံ၏ ဆွေးနွေးဖက်နိုင်ငံများ ဖြစ်ကြသည့် တရုတ်၊ ရုရှား၊ နယူးဇီလန်နိုင်ငံတို့နှင့် သီးခြားစီ ကျင်းပပြုလုပ်သည့် နိုင်ငံခြားရေးဝန်ကြီးများ၏ အစည်းအဝေးများသို့ လည်းကောင်း တက်ရောက်ခဲ့သည်။

ဆက်လက်၍ ပြည်ထောင်စုဝန်ကြီးသည် သြဂုတ်လ ၁ ရက်တွင် အာဆီယံ၏ ဆွေးနွေးဖက်နိုင်ငံများဖြစ်ကြသည့် သြစတြေးလျ၊ ဂျပန်၊ အိန္ဒိယ၊ ကနေဒါ၊ အမေရိကန် ၊ ဥရောပသမဂ္ဂ၊ ကိုရီးယားသမ္မတနိုင်ငံတို့နှင့် သီးခြားစီ ကျင်းပပြုလုပ်သည့် နိုင်ငံခြားရေးဝန်ကြီးများ၏ အစည်းအဝေးများသို့ တက်ရောက်ခဲ့သည်။ ပြည်ထောင်စုဝန်ကြီးသည် အာဆီယံ-ကနေဒါ နိုင်ငံခြားရေးဝန်ကြီးများ အစည်းအဝေးတွင် ကနေဒါနိုင်ငံခြားရေးဝန်ကြီးနှင့်အတူ ပူးတွဲသဘာပတိအဖြစ် ဆောင်ရွက်ခဲ့သည်။ ညပိုင်းတွင် ပြည်ထောင်စုဝန်ကြီးသည် ထိုင်းနိုင်ငံခြားရေးဝန်ကြီးက အစည်းအဝေးတက်ရောက်လာကြသော နိုင်ငံခြားရေး ဝန်ကြီးများအား တည်ခင်းဧည့်ခံသည့် ညစာစားပွဲသို့ တက်ရောက်ခဲ့သည်။

ဆက်လက်၍ ပြည်ထောင်စုဝန်ကြီးသည် သြဂုတ်လ ၂ ရက်တွင် (၂၀) ကြိမ်မြောက် အာဆီယံအပေါင်းသုံး နိုင်ငံခြားရေးဝန်ကြီးများအစည်းအဝေး၊ (၉) ကြိမ်မြောက် အရှေ့အာရှ ထိပ်သီးအစည်းအဝေးဆိုင်ရာ နိုင်ငံခြားရေးဝန်ကြီးများ အစည်းအဝေး၊ (၂၆) ကြိမ်မြောက် အာဆီယံဒေသဆိုင်ရာဖိုရမ်၏ သီးသန့်အစည်းအဝေးနှင့် မျက်နှာစုံညီအစည်းအဝေးများသို့ တက်ရောက်ခဲ့သည်။

ရခိုင်ပြည်နယ်အရေးကိစ္စနှင့်ပတ်သက်၍ (၉) ကြိမ်မြောက် အရှေ့အာရှ ထိပ်သီးအစည်းအဝေးဆိုင်ရာ နိုင်ငံခြားရေးဝန်ကြီးများ အစည်းအဝေးနှင့် (၂၆) ကြိမ်မြောက် အာဆီယံဒေသဆိုင်ရာဖိုရမ်၏ သီးသန့်အစည်းအဝေးတို့တွင် ရခိုင်အရေးကိစ္စသည် သိမ်မွေ့ရှုပ်ထွေးသဖြင့် ပြဿနာအရင်းအမြစ်ကို ဖြေရှင်းရန် လိုအပ်ကြောင်း၊ နေရပ်ပြန်လာသူများ ဘေးကင်းလုံခြုံမှု ရှိစေရေးအတွက် ကောင်းမွန်သည့် ပတ်ဝန်းကျင် ဖန်တီးပေးရေးမှာ အရေးကြီးကြောင်း၊ အာဆီယံဆန်းစစ်လေ့လာရေးအဖွဲ့၏ အစီရင်ခံစာနှင့် ပြန်လည်လက်ခံရေးအတွက် မြန်မာနိုင်ငံဘက်မှ ပြင်ဆင်ဆောင်ရွက်ထားရှိသည့် အခြေအနေများကို ကော့ဘဇားသို့ သွားရောက် ရှင်းလင်းပြောကြားခဲ့သည့် အစီအစဉ်ကို ကြိုဆိုကြောင်း၊ ရခိုင်ပြည်နယ်အရေးကိစ္စ ဖြေရှင်းရာတွင် အာဆီယံအနေဖြင့် မြန်မာနိုင်ငံကို ဆက်လက်ကူညီပံ့ပိုးပေးရန်နှင့် နေရပ်ပြန်ပို့ရေးလုပ်ငန်းစဉ် အဆင်ပြေချောမွေ့စေရေးအတွက် မြန်မာနှင့် ဘင်္ဂလားဒေ့ရှ် နှစ်နိုင်ငံအနေဖြင့် အပြုသဘောဆောင်သော ထိတွေ့ဆက်ဆံမှုများ ဆက်လက်ဆောင်ရွက်သွားရန် တိုက်တွန်းကြောင်း စသည်ဖြင့် ထည့်သွင်းဆွေးနွေး ပြောကြားခဲ့ကြသည်။

ပြည်ထောင်စုဝန်ကြီးက ရခိုင်ပြည်နယ်အရေးကိစ္စနှင့်ပတ်သက်၍ မြန်မာအစိုးရ၏ ကြိုးပမ်းဆောင်ရွက်မှုများကို ပြန်လည်ရှင်းလင်းပြောကြားခဲ့သည်။ ထိုသို့ ပြောကြားရာတွင် ပြည်ထောင်စုဝန်ကြီးက ရခိုင်ပြည်နယ်အရေးကိစ္စသည် ဒီမိုကရေစီအသွင်ကူးပြောင်းရေး၊ ငြိမ်းချမ်းရေး၊ အမျိုးသား ပြန်လည်ရင်ကြားစေ့ရေးနှင့် ဖွံ့ဖြိုးရေးတို့အတွက် ကြိုးပမ်းဆောင်ရွက်နေသည့် ကာလတွင် မြန်မာအစိုးရ ရင်ဆိုင်ကြုံတွေ့နေသည့် စိန်ခေါ်မှုများအနက် တစ်ခုသာ ဖြစ်ကြောင်း၊ ရခိုင်ပြည်နယ် အရေးကိစ္စကို အများက ဘာသာရေးပြဿနာ တစ်ရပ်အဖြစ် လွဲမှားစွာ ပုံဖော်နေကြခြင်းကြောင့် ယင်းကိစ္စကိုသာ ကမ္ဘာက အာရုံစိုက်နေကြခြင်းဖြစ်ကြောင်း၊ အမှန်တကယ်အားဖြင့် ဘာသာရေးဖိနှိပ်မှု ပြဿနာလည်း မဟုတ်သကဲ့သို့ လူမျိုးစုတစ်စုအား အဓမ္မနှင်ထုတ်သည့်ကိစ္စလည်း မဟုတ်ကြောင်း၊ ယင်းကိစ္စမှာ နှစ်နိုင်ငံ နယ်စပ်ဖြတ်ကျော်၍ ပုံမှန်မဟုတ်သော ရွှေ့ပြောင်းသွားလာမှုများ ပါဝင်ပတ်သက်သည့် သမိုင်းကြောင်းနှင့်ချီ၍ ဖြစ်ပေါ်လာသည့် ပြဿနာဖြစ်ကြောင်း၊ ကိုလိုနီခေတ်ကာလမှစတင်၍ မြန်မာဘက်သို့ တရားမဝင် အစုလိုက်အပြုံလိုက် ရွှေ့ပြောင်းမှုများ (၃) ကြိမ် ဖြစ်ပေါ်ခဲ့ဖူးကြောင်း၊ ထို့ကြောင့် ယင်းပြဿနာမှာ နှစ်နိုင်ငံညှိနှိုင်းဖြေရှင်းရမည့် ပြဿနာဖြစ်ကြောင်း၊ မကြာသေးမီက ဘင်္ဂလားဒေ့ရှ်ဘက်သို့ အများအပြား တိမ်းရှောင်ရွှေ့ပြောင်းမှုများ ဖြစ်ခဲ့ရခြင်းမှာ ၂၀၁၆ ခုနှစ်၊ အောက်တိုဘာလနှင့် ၂၀၁၇ ခုနှစ်၊ သြဂုတ်လတို့တွင် အာဆာအကြမ်းဖက်အဖွဲ့က နယ်ခြားစောင့် တပ်ဖွဲ့အမြောက်အမြားကို တစ်ပြိုင်တည်း ချိန်ကိုက် စတင်တိုက်ခိုက်မှုကြောင့် ပေါ်ပေါက်လာရခြင်း ဖြစ်သည်ကို ကမ္ဘာက မျက်ကွယ်ပြုမထားသင့်ကြောင်း၊ နေရပ်စွန့်ခွာသူအရေအတွက်ကို ဘင်္ဂလားဒေ့ရှ်ဘက်က ၁.၂ သန်းဟု ပြောကြားချက်မှာ ကိန်းဂဏန်းအရ ဖောင်းပွမှုများ ရှိပါကြောင်း၊ ကိန်းဂဏန်းအမှန်ကို စိစစ်အတည်ပြုရန် လိုအပ်နေသေးဆဲဖြစ်ကြောင်း၊ တာဝန်ယူမှု၊ တာဝန်ခံမှုနှင့်ပတ်သက်၍လည်း မြန်မာအစိုးရအနေဖြင့် လွတ်လပ်သော စုံစမ်းရေးကော်မရှင်တစ်ရပ် ဖွဲ့စည်း၍ ဆောင်ရွက်လျက်ရှိကြောင်း၊ အဆိုပါ ကော်မရှင်အနေဖြင့် ကော့ဘဇားသို့ သွားရောက် စုံစမ်းစစ်ဆေးရန် ဘင်္ဂလားဒေ့ရှ်အစိုးရ၏ ခွင့်ပြုချက်ကို စောင့်ဆိုင်းနေရဆဲဖြစ်ကြောင်း ပြောကြားခဲ့သည်။

ဆက်လက်၍ ပြည်ထောင်စုဝန်ကြီးက မြန်မာအစိုးရအနေဖြင့် ရခိုင်ပြည်နယ်ရှိ အသိုက်အဝန်းအားလုံးအတွက် တည်ငြိမ်အေးချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေးတို့ကို တတ်နိုင်သမျှ အကောင်းဆုံးဖြစ်အောင် ကတိပြုထားကြောင်း၊ နေရပ်စွန့်ခွာသူများနှင့်ပတ်သက်၍ မြန်မာနိုင်ငံတွင် အမှန်တကယ် နေထိုင်ကြောင်း စိစစ်အတည်ပြုနိုင်သူအားလုံးကို နှစ်နိုင်ငံ သဘောတူညီချက်နှင့်အညီ ပြန်လည်လက်ခံရန် အသင့်ရှိကြောင်း၊ နိုင်ငံသားဖြစ်မှုနှင့်ပတ်သက်၍ မိမိတို့အနေဖြင့် ၁၉၈၂ ခုနှစ် နိုင်ငံသားဖြစ်မှု ဥပဒေနှင့်အညီ ဆောင်ရွက်မည်ဖြစ်ကြောင်း၊ ယင်းသို့လျှောက်ထားရန်အတွက် လုပ်ထုံးလုပ်နည်းနှင့်အညီ လိုအပ်သော စိစစ်မှုများခံယူရန် လိုအပ်ကြောင်း၊ အာဆီယံအတွင်းရေးမှူးချုပ်ရုံး၊ AHA Centre နှင့် ASEAN-ERAT တို့မှ ကိုယ်စားလှယ်များနှင့် မြန်မာအဆင့်မြင့်အရာရှိများ ပါဝင်သည့် ကိုယ်စားလှယ်အဖွဲ့ တစ်ဖွဲ့သည် မကြာသေးမီက ဘင်္ဂလားဒေ့ရှ်နိုင်ငံ၊ ကော့ဘဇားရှိ နေရပ်စွန့်ခွာသူများ ထံသို့ သွားရောက်ပြီး၊ ပြန်လည်လက်ခံရေးအတွက် မြန်မာနိုင်ငံဘက်မှ ပြင်ဆင်ဆောင်ရွက်ထားရှိသည့် အခြေအနေများကို ရှင်းပြခဲ့ကြောင်း၊ ဤအစီအစဉ်ကို ဆက်လက်အကောင်အထည်ဖော် ဆောင်ရွက်သွားမည်ဖြစ်ကြောင်း၊ မြန်မာနိုင်ငံအနေဖြင့် ကုလသမဂ္ဂ၊ အာဆီယံတို့နှင့် ပူးပေါင်း၍ နေရပ်ပြန်လာမည့် သူများအတွက် ကောင်းမွန်သည့် ပတ်ဝန်းကျင်တစ်ရပ် ဖန်တီးပေးရေးကို ကြိုးပမ်းဆောင်ရွက်လျက်ရှိကြောင်း၊ မြန်မာနှင့် အာဆီယံအကြား ပူးပေါင်းဆောင်ရွက်မှုများသည် ကုလသမဂ္ဂနှင့် မိမိတို့၏ ပူးပေါင်းဆောင်ရွက်မှု လုပ်ငန်းများကို အစားထိုးရန်အတွက် ရည်ရွယ်ခြင်းမဟုတ်ဘဲ အချင်းချင်း အပြန်အလှန် အားဖြည့် ကူညီရန်အတွက် ဖြစ်ကြောင်း၊ ပြောကြားခဲ့သည်။

ထို့အပြင် ပြည်ထောင်စုဝန်ကြီးက ရခိုင်ပြည်နယ်အရေးကိစ္စသည် လွန်စွာသိမ်မွေ့ ရှုပ်ထွေးသဖြင့် အသိုက်အဝန်းများအကြား ယုံကြည်မှုနှင့် သဟဇာတရှိမှုကို တည်ဆောက်နိုင်ရေးနှင့် သဟဇာတရှိစွာ အတူတကွ ပေါင်းစည်နေထိုင်နိုင်ရေးအတွက် အသိပညာပေးရေးကို လုံလောက်သည့် အခြေအနေနှင့် အချိန်ယူ ဆောင်ရွက်ရန်လိုအပ်ကြောင်း၊ မြန်မာ-ဘင်္ဂလားဒေ့ရှ် နှစ်နိုင်ငံစလုံးအနေဖြင့် နှစ်နိုင်ငံ သဘောတူညီချက်များကို လိုက်နာမည်ဆိုပါက နေရပ်ပြန်လာရေးလုပ်ငန်းစဉ်ကို ယခင်နည်းတူ အောင်မြင်စွာ အကောင်အထည်ဖော် ဆောင်ရွက်နိုင်မည်ဖြစ်ကြောင်း၊ နှစ်နိုင်ငံ သဘောတူညီချက်နှင့်အညီ ပြဿနာကို ဖြေရှင်းရန် မြန်မာနိုင်ငံအနေဖြင့် အဆင်သင့်ရှိကြောင်း၊ မိမိအနေဖြင့် ဘင်္ဂလားဒေ့ရှ်နိုင်ငံခြားရေးဝန်ကြီးကို မြန်မာနိုင်ငံသို့ လာရောက်ရန် ဖိတ်ကြားထားကြောင်း၊ မြန်မာ-ဘင်္ဂလားဒေ့ရှ်-တရုတ် ဝန်ကြီးအဆင့် သုံးပွင့်ဆိုင်ဆွေးနွေးပွဲကိုလည်း ဆက်လက်ကျင်းပ ပြုလုပ်သွားရန် သဘောတူညီထားကြောင်း၊ ရခိုင်ပြည်နယ်အရေးကိစ္စကို ဖြေရှင်းရာတွင် အခြေအနေကို ပိုမိုရှုပ်ထွေးသွားစေပြီး၊ အသိုက်အဝန်းများကို ပိုမိုဝေးကွာသွားစေသည့် ပြုမူဆောင်ရွက်ချက်များကို ရှောင်ရှားရန် အရေးကြီးကြောင်း၊ ပြဿနာအတွက် ရေရှည်တည်တံ့သည့်အဖြေရရှိရေးကို လိုလားသည့် မိတ်ဆွေနိုင်ငံများကို မြန်မာနိုင်ငံ၏ ကြိုးပမ်းဆောင်ရွက်မှုများတွင် ပူးပေါင်းပါဝင်ရန် ကြိုဆိုကြောင်း ပြောကြားခဲ့သည်။

ထို့အပြင် ပြည်ထောင်စုဝန်ကြီးသည် (၁၂) ကြိမ်မြောက် မဲခေါင်မြစ်အောက်ပိုင်း နိုင်ငံများ ဖွံ့ဖြိုးတိုးတက်ရေး အစီအစဉ်ဆိုင်ရာ နိုင်ငံခြားရေးဝန်ကြီးများ အစည်းအဝေး၊ (၁၀) ကြိမ်မြောက် မဲခေါင်-ဂင်္ဂါ နိုင်ငံခြားရေးဝန်ကြီးများ အစည်းအဝေး၊ (၉) ကြိမ်မြောက် မဲခေါင်-ကိုရီးယား နိုင်ငံခြားရေးဝန်ကြီးများ အစည်းအဝေး၊ (၁၂) ကြိမ်မြောက် မဲခေါင်-ဂျပန် နိုင်ငံခြားရေးဝန်ကြီးများ အစည်းအဝေးများသို့လည်း တက်ရောက်ခဲ့သည်။

ထိုင်းနိုင်ငံတွင် ရောက်ရှိနေစဉ်ကာလအတွင်း ပြည်ထောင်စုဝန်ကြီးသည် ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်း၊ နော်ဝေနိုင်ငံခြားရေးဝန်ကြီး Ine Marie Eriksen Søreide ၊ ကိုရီးယားသမ္မတနိုင်ငံ၊ နိုင်ငံခြားရေးဝန်ကြီး Kang Kyung-wha ၊ ဥရောပသမဂ္ဂ အဆင့်မြင့်ကိုယ်စားလှယ်နှင့် ဥရောပကော်မရှင်၏ ဒုတိယဥက္ကဋ္ဌ Federica Mogherini တို့နှင့် သီးခြားစီတွေ့ဆုံခဲ့ပြီး အကျိုးတူ ပူးပေါင်းဆောင်ရွက်ရေးကိစ္စရပ်များကို ဆွေးနွေးခဲ့သည်။

အာဆီယံနိုင်ငံခြားရေးဝန်ကြီးများ အစည်းအဝေးအပြီးတွင် (၅၂) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေး၏ ပူးတွဲကြေညာချက်ကို ထုတ်ပြန်ခဲ့သည်။ အဆိုပါ ပူးတွဲကြေညာချက်တွင် ရခိုင်ပြည်နယ်အရေးကိစ္စနှင့် စပ်လျဉ်း၍ အာဆီယံနိုင်ငံခြားရေးဝန်ကြီးများက မြန်မာနိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးဆောင်ပြီး သက်ဆိုင်ရာဝန်ကြီးဌာနများ၊ အာဆီယံအတွင်းရေးမှူးချုပ်ရုံး၊ AHA Centre နှင့် ASEAN-ERAT တို့မှ ကိုယ်စားလှယ်များ ပါဝင်သည့် အဆင့်မြင့်ကိုယ်စားလှယ်အဖွဲ့တစ်ဖွဲ့ ဘင်္ဂလားဒေ့ရှ်နိုင်ငံ၊ ကော့ဘဇားရှိ နေရပ်စွန့်ခွာသူများထံသို့ သွားရောက်၍ ပြန်လည်လက်ခံရေးအတွက် မြန်မာနိုင်ငံဘက်မှ ပြင်ဆင်ဆောင်ရွက်ထားရှိသည့် အခြေအနေများကို ရှင်းလင်း ပြောကြားခဲ့သည့် အစီအစဉ်ကိုလည်းကောင်း၊ မြန်မာနိုင်ငံ၊ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) နှင့် ကုလသမဂ္ဂဖွံဖြိုးတိုးတက်မှုအစီအစဉ် (UNDP) တို့အကြား လက်မှတ်ရေးထိုးခဲ့သည့် နားလည်မှုစာချွန်လွှာ သက်တမ်း ထပ်မံတိုးမြှင့်ခြင်းကိုလည်းကောင်း ကြိုဆိုထောက်ခံကြောင်း၊ ပြန်လည်ပို့ဆောင်ရေးလုပ်ငန်းစဉ် အဆင်ပြေ ချောမွေ့စေရေးအတွက် မြန်မာနှင့် ဘင်္ဂလားဒေ့ရှ် နှစ်နိုင်ငံအကြား ဆက်လက်ဆွေးနွေးသွားမည်ဟု မျှော်လင့်ကြောင်း၊ ရခိုင်ပြည်နယ် ရေရှည်ဖွံ့ဖြိုးတိုးတက်ရေး၊ တည်ငြိမ်အေးချမ်းရေး၊ တရားဥပဒေစိုးမိုးရေး၊ လူ့အဖွဲ့အစည်းများအကြား သဟဇာတဖြစ်ရေးနှင့် ပြန်လည်သင့်မြတ်ရေးတို့အတွက် မြန်မာအစိုးရ၏ ကြိုးပမ်းဆောင်ရွက်မှုများအား အာဆီယံ၏ ထောက်ခံမှုကို ထပ်လောင်းအတည်ပြုကြောင်း ဖော်ပြထားကြောင်း သိရှိရပါသည်။